Gaskeuniversiteete professorem Ole Henrik Maggam earoedåaktarinie nommehtahta
Ole Henrik Magga lea akte dejstie almetjijstie gie joekoen dïedtem vaalteme, gïeledotkeminie jïh saemien politihken åvtehkinie Saepmesne jïh internationelle eatnamisnie.
Satne lingviste, aerebe professore soeme-ugrijen gïelide Osloven Universiteetesne jïh saemiengïelide Saemien jolleskuvlesne Guovdageaidnusne (Kautokeino). Gïeledotkijinie Magga joekoen dïedtem åtneme saemien gïelide evtiedidh. Altese dahkojste saemien gïelide, noerhtelaanti-saemien Gulliegïele-baalhkam (Gollegiella) jaepien 2022 åadtjoeji.
Satne lij Nöörjen Saemiedigkien voestes presideente jïh meatan maadtoem institutionelle saemien jïjtjereerijassem evtiedi. Internationelle dahkosne Magga joekoen dïedtem aalkoealmetji gyhtjelasside åtneme, dovne goh åvtehke EN:n stinkes forumisnie aalkoealmetjidie.
